Julie Keeps Quiet (12A)

Pan mae’r hyfforddwr awdurdodol Jeremy yn cael ei gyhuddo o gamymddwyn, mae llygaid pawb ar ei ffefryn ddiweddaraf, y disgybl dawnus a brwd Julie, wrth i’r sgandal ymledu drwy’r academi tennis elitaidd. Nid yw’n glir a oes gan Julie rywbeth i’w adrodd ai peidio, ond mae hi’n aros yn dawel, gan brosesu’r hyn sy’n digwydd ar ei thelerau hi’i hunan. Mae’r ddrama afaelgar a grymus yma, a gynhyrchwyd gan y bencampwraig tennis Naomi Osaka, yn cynnwys perfformiad anhygoel gan y chwaraewraig tennis Tessa Van den Broeck, sy’n actio am y tro cyntaf gan gyfleu cryfder, breuder ac anesmwythder Julie.