Japan Foundation Touring Film Programme 2025: Tea Friends (18ctba)

Mae Mana wedi sefydlu gwasanaeth gweithwyr rhyw arloesol i’r henoed, sy’n rhoi hysbyseb digon diniwed yn y papur newydd am “Ffrind Te”, ac mae’r “merched te”, sydd hefyd yn hen, yn cael eu hanfon at y dynion unig sy’n chwilio am gwmni. Un dydd yn yr archfarchnad, mae Mana’n croesi llwybr gyda hen wraig sy’n dwyn o siopau, Matsuko, ac mae’n cynnig swydd iddi. Mae Matsuko’n ailddarganfod llawenydd mewn gwasanaethu eraill, ac mae’n dod yn un o’r merched te mwyaf poblogaidd. Serch hynny, wrth i’r busnes ddechrau ffynnu, mae’r heddlu’n clywed am eu gweithgareddau. Mae’r stori deimladwy a di-flewyn-ar-dafod yma’n seiliedig ar stori wir, gan chwalu’r mythau am normau cymdeithasol.