Gaelynn Lea + support from Rightkeysonly

Pob oedran | Lleoliad hygyrch i gadeiriau olwyn | Pris: £13 aderyn cynnar, neu £15 ar ôl Mai 10

Mae’r feiolinydd a chyfansoddwr caneuon o Ogledd America, Gaelynn Lea, yn dychwelyd i Gymru am y tro cyntaf ers 2017 er mwyn cefnogi ei halbwm cysyniad diweddaraf, Music from Macbeth. Bydd yn perfformio gyda’r act gefnogol Rightkeysonly.

Ewch i’n tudalen Ymweld i gael gwybodaeth am oriau agor a theithio.
Ewch i’n tudalen Hygyrchedd a Chyfleusterau i gael gwybodaeth am hygyrchedd, parcio a thoiledau.

___

Ynglŷn â'r artistiaid

Ers ennill Cystadleuaeth Tiny Desk NPR Music yn 2016, mae Gaelynn Lea wedi swyno cynulleidfaoedd ledled y byd gyda’i chaneuon gwreiddiol swynol a’i halawon ffidil traddodiadol. Dros y blynyddoedd, mae hi wedi cydweithio ag artistiaid fel Michael Stipe [REM], The Decemberists, a’r uwch-grŵp roc diwydiannol Pigface.

Yn 2022, cyfansoddodd Gaelynn Lea y sgôr wreiddiol ar gyfer Macbeth ar Broadway, gyda Daniel Craig a Ruth Negga yn serennu. Diolch i Gymrodoriaeth Gelfyddydau Whippoorwill yn ddiweddar, mae ei thrac sain yn cael ei ryddhau o’r diwedd a bydd yn perfformio detholiadau o’r trac sain yn ystod ei thaith gyngerdd yn y DU.

Un o ddiddordebau mwyaf Gaelynn Lea yw hyrwyddo Diwylliant Anabledd. Cyd-sefydlodd RAMPD [Recording Artists and Music Professionals with Disabilities - Artistiaid Recordio a Gweithwyr Cerddoriaeth Proffesiynol ag Anableddau] yn 2022 ac ers hynny mae wedi cysylltu ag artistiaid Byddar ac anabl ledled y byd, gan gynnwys Ruth Lyons a James Holt yn y DU.

Mae Rightkeysonly yn E.D.M. artist, sy'n adnabyddus am ddod â churiadau arbrofol a gwaelodlinau trwm i sector cerddoriaeth Cymru. Ers iddi ddechrau fel byscer, mae Keys wedi mynd ymlaen i ddod â drwm a bas byw i erddi Castell Caerdydd, techno-grime i fryniau glaswelltog Powys, ac electro-metel i donnau awyr BBC Introducing Wales. Mae Keys yn defnyddio cerddoriaeth i rymuso artistiaid Anabl eraill, fel hi, gyda'r gobaith o weld sector mwy cynhwysol un diwrnod.