Family Film: Enchanted (PG)

Wedi’i halltudio gan frenhines ddrwg, mae’r Dywysoges Giselle o fyd tylwyth teg yn glanio ym Manhattan fodern, lle mae diffyg cerddoriaeth, hud a “hapusrwydd am byth”. Mae hi ar goll yn y lle newydd rhyfedd yma, tan i gyfreithiwr ysgariad ddod i’w helpu. Mae Giselle yn dechrau cwympo mewn cariad â’r cymwynaswr cythryblus, ond mae’r stori ramant yn cymhlethu pan fydd tywysog o’i byd yn dod i’w hachub. Ail-gread clyfar o straeon tylwyth teg sy’n berffaith i blant ac oedolion, gyda pherfformiad clodwiw gan Amy Adams.