Sgrechiwch fel y Mynnwch: Four Daughters

Dim babi, dim mynediad!

Mae ffilmiau Sgrechiwch fel y Mynnwch bob bore Gwener. Maen nhw’n caniatáu i rieni neu ofalwyr â phlentyn o dan flwydd oed weld ffilm heb orfod poeni am amharu ar eraill, a gydag addasiadau i’r amgylchedd sinema i’w gwneud mor gyfleus a chyfforddus â phosib. Mae mynediad am ddim i fabanod, ond cofiwch: dim babi, dim mynediad.

Ffrainc | 2023 | 107’ | tystysgrif i’w chadarnhau | Kaouther Ben Hania | Arabeg, Ffrangeg gydag isdeitlau Saesneg

Hind Sabri, Nour Karoui

Roedd gan Olfa Hamrouni o Dwnisia bedair o ferched, ond diflannodd y ddwy hynaf, heb ddychwelyd. Ar ôl cael eu radicaleiddio gan eithafwyr Islamaidd, aethon nhw i Libya i ymladd gydag ISIS. Mae’r ffilm ddogfen yma, a enwebwyd am wobr Oscar, yn dadansoddi eu hanes cymhleth drwy gyfweliadau a pherfformiadau agos-atoch; gan gastio actoresau proffesiynol fel y merched coll, yn ogystal â’r actores Eifftaidd-Dwnisiaidd glodwiw, Hend Sabri fel Olfa. Archwiliad diddorol o wrthryfela, cof a chwaeroliaeth sy’n rhoi ymreolaeth i’r menywod adrodd eu stori bersonol o lawenydd a cholled, gan fyfyrio ar hanes cythryblus Tiwnisia yn dilyn y Gwanwyn Arabaidd, sef ymgyrch addawol a ddechreuodd yn y wlad.