ART OF ACTION: Polite Society (12A)

Mae Ria Khan yn ei harddegau ac yn dyheu am gael bod yn styntwraig. Mae’n ffyddlon i’w chwaer hŷn artistig Lena, ac yn cael ei syfrdanu pan fydd Lena fel petai’n troi ei chefn ar ei hen fywyd ac yn dyweddïo â’r llawfeddyg dengar Salim. Ar ôl gofyn am gymorth ei ffrindiau, mae Ria’n ceisio cynllwynio ymosodiad uchelgeisiol ar y briodas, yn enw annibyniaeth a chwaeroliaeth. Ffilm ddeinamig a drygionus ddoniol gan grëwr We Are Lady Parts; dyma stori anarchaidd am deulu a chwympo mewn cariad sy’n rhannol gomedi crefft ymladd, yn rhannol Bollywood, ac yn galon i gyd.