ACTivate Your Life: Llesiant Byddar

Dydd Sadwrn 5, 12, 19 a 26 Hydref, 11am-1pm
AM DDIM, a does dim angen archebu. Bydd lluniaeth yn cael ei ddarparu.

Cwrs seicoleg am ddim mewn Iaith Arwyddion Prydain yw ACTivate Your Life: Llesiant Byddar, sydd wedi’i ddylunio i’ch helpu chi i ddeall eich hunan a’ch meddwl yn well a gwella eich iechyd meddwl a’ch llesiant.

Gall y cwrs eich helpu chi i gymryd mwy o reolaeth o’ch gweithredoedd fel bod bywyd bob dydd yn dod yn fwy boddhaus. Byddwch yn dysgu ffyrdd ymarferol ac effeithiol o ymdrin â syniadau a theimladau a allai fod yn achosi pryder i chi.

Mae’r cwrs wedi’i ddatblygu gan Dr Neil Frude ac yn cael ei gefnogi gan Iaith Arwyddion Prydain. Mae wedi’i greu i gynnig dulliau newydd i bobl Fyddar o ymdopi ag anawsterau bob dydd fel straen, pryder, insomnia a hwyliau isel.

Mae’r cwrs pedair sesiwn wedi’i ffilmio a bydd yn cael ei ddangos foreau Sadwrn.

___

Dydd Sadwrn 5 Hydref, First Space
ACT 1: Sut mae eich meddwl yn gweithio

Dysgwch am eich meddwl a sut gall weithio yn eich erbyn weithiau. Drwy gael gwell dealltwriaeth, gallwch gymryd rheolaeth a sianelu positifrwydd a llesiant.

___

Dydd Sadwrn 12 Hydref, First Space
ACT 2: Derbyn yr hyn na allwch chi ei newid

Rydyn ni’n aml yn canolbwyntio ar y pethau mewn bywyd na allwn ni eu newid, a weithiau gall hyn waethygu pethau i ni. Mae’r sesiwn yma’n egluro sut gall derbyn rhywbeth ein helpu ni i symud ymlaen.

___

Dydd Sadwrn 19 Hydref, Cinema Foyer
ACT 3: Meddwlgarwch

Gall meddwlgarwch ein helpu ni i ganolbwyntio mwy ar y presennol. Dysgwch sut i ymarfer y gelfyddyd o ‘sylwi ar y nawr’ fel nad ydych chi’n ymgolli mewn pryderon am y gorffennol neu’r dyfodol.

___

Dydd Sadwrn 26 Hydref, Cinema Foyer
ACT 4: Byw’n ddoeth, byw’n dda - eich gwerthoedd

Beth sy’n bwysig i chi? Bydd y sesiwn hon yn eich helpu chi i feddwl am yr hyn sy’n bwysig i chi. Dysgwch sut gall gweithredu’n unol â’ch gwerthoedd fod y ffordd orau i chi gael bywyd gwell.