Uchafbwyntiau mis Tachwedd

Rydyn ni’n dechrau mis Tachwedd gydag arddangosfa newydd sbon yn yr oriel. Mae Crashing the Glass Slippers gan Ntiense Eno-Amooquaye yn fyd cosmig o farddoniaeth, perfformiad a hunanbortread. Dewch draw rhwng dydd Mawrth a dydd Sul tan 19 Ionawr 2025.

Yn ein sinemâu rydyn ni’n dathlu menywod rhagorol mewn ffilmiau cyffro fel rhan o dymor y BFI, Celfyddyd Cyffro, gyda dangosiadau o Polite Society, Kung Fu Panda, The Heroic Trio a Yes Madam! Hefyd, mae’r ŵyl ffilmiau dogfen cerddoriaeth a chelfyddydau Doc’n Roll yn dychwelyd! Ymgollwch ym mywydau Peaches, Pauline Black a Dory Previn.

Ymunwch â ni ddydd Sadwrn 16 Tachwedd i ddathlu popeth cwiar gydag Impact Driver gan Eve Stainton, gyda pharti i ddilyn gan drigolion Caerdydd, CINC. Welwn ni chi ar y llawr dawnsio!

Ydych chi wedi clywed am ein rhaglen aelodaeth am ddim i bobl 16-30 oed? Dewch yn aelod o Clwb Chapter ac elwa ar y cynigion arbennig, gan gynnwys tocynnau sinema am ddim, 10% i ffwrdd yn ein caffi bar, a thocynnau £5 i’n digwyddiadau.